بلوچستان میں صحافی شدید خطرات کا شکار

پاکستان کے صوبہ بلوچستان کے پنجگور کے علاقے میں صحافی رحمت اللہ عابد کے قتل کے خلاف بلوچستان یونین آف جرنلسٹس کے زیر ا ہتمام منگل کو کوئٹہ میں احتجاجی ریلی کے موقع پر صحافیوں نے کہا کہ بلوچستان میں صحافی شدید خطرات کا شکار ہیں اور ہلاک شدہ صحافیوں کے قاتلوں میں سے کسی کو بھی گرفتار نہیں کیا گیا۔ ریلی کے شرکاءکے ہاتھوں میں کتبے اور بینرز تھے جن پر بلوچستان میں صحافیوں کو تحفط دینے اور ان کے قاتلوں کی گرفتاری سے متعلق نعرے درج تھے۔ اس موقع پر کوئٹہ پریس کلب کے صدر سلیم شاہد نے کہا ’جیسے جیسے وقت گزر رہاے بلوچستان میں صحافیوں اور میڈیا کے لوگوں کے لیئے کام کرنا مشکل ہوتا جارہا ہے ۔ خضدار میں صحافیوں نے اپنی سرگرمیاں ترک کرکے پریس کلب کو تالا لگادیا ہے ۔ اب پنجگور میں صحافی کے قتل کے بعد وہاں بھی صحافیوں نے اپنی سرگرمیاں معطل کرنے کا فیصلہ کیا ہے۔‘ http://www.bbc.co.uk/urdu/pakistan/2012/11/121120_balochistan_journalists_protests_rk.shtml